Portada > Ley fácil > Chumngechi tañi ka künuam üy ka tañi apellido chi pu che - Cambio de nombre y apellido

Ley fácil

  •    
  • Enviar a un amigo

Índices:

Guía legal sobre:

Chumngechi tañi ka künuam üy ka tañi apellido chi pu che

Cambio de nombre y apellido

Tüfa ti1 trokiñ dungu, feipilei ñi2 chem dungu mew, kiñe che pepi feypiafuy tañi ayülen ñi kakünuael tañi üy, ka chumngechi tañi inayeael tañi dungu.

Última actualización : 05-05-2011

¿Chem dungu kakünungen üy pingekey?
Ñi üy tüfa ti ley dungu, kümeeltungetuam üy wirintukunielu ti che chillkantungemum ñi pichikaluem. ka femgnechi ñi ka üy ñi tukulelngeael, ka femngechi tañi apellido, kam mür rume.

¿Inei rume kakünuafuy tañi üy?
Nu felelay, fey tüfa ti dungu elngei tañi kakünuam tañi üy kam ñi apellido ti pu che, müleyelu tüfa ti duam mew.

  1. Tañi ayekawengen tañi üy, feyta ñi wedatungeael chumngechi dungun mew rume.
  2. Kimniengen mew doy kechu txipantu mew kake üy mew
  3. Tañi tukulelngeael kiñe apellido ñi püñen, kam fotüm , ka femngechi tañi adkülenun mew, kam ñi epu apellido ñi kiñelen mew.
  4. Tüfa ti üytun, ñi wingka üyngenun mew, tañi wingkadungun mew ñi txürümngetuam, kam ñi ka künungeael ñi dungulngeam, kam ñi wirintukungen.

¿Chumngechi pepi amulafun tüfa chi trámite?
Ti che, küpa kakünulu ñi üi, mülei tañi kizu kullieael kiñe abogado, kam ñi kellungeael ti consultorio mew, mülelu ti pu comuna mew, cheu tañi kullingekenün mew, ti pu che mienulu kulliñ, ti Corporación de Asistencia Judicial pingelu, tañi dewmayam ti trámite ti Juzgado de Letras mew doy püllelelu tami lof mew.

¿Tunte falipey ti trámite?
Ti honorario ti abogado particular ngealu, ka tunten ñi tripan ti wirilün. Tüfa ti pu che ñienulu ñi kulliñmawam, mülei tañi amuael ñi kellungeael cheu ñi kullingekenun, ti consultorio ti Corporación de Asistencia Judicial pingelu, mülekelu comuna mew.

¿Tunteñ maukey?
Fei tüfa kam kishu ñi ngünewün mew, alüñmayafuy, kayu küyen reke, fey tüfa ti tribunal mülei ñi ngüneael.

Iñche kakünuli tañi üi, ¿tañi pu che (fotüm kam puñeñ) inapeay mai tañi kakünuel üi?
Ti kakünungen ti apellido, kom amulngekey ta ñi pu che mew, fey ta coneltulelu ti patria potestad pingelu, fei tüfa chi dungu cheuta tunten wefkelu ñi nieel ta ngüneniey ti wünen che, fei mew tañi kuñültuñieel kam ñi adkünungeael ta kakünungen mew müten, ka amulngekey kom tüfa ti puche ta koneltulelu fey mew.

¿Ka wiño kakünupetuafun ñi üy ka ñi apellido dew tañi kakünuel?
Nu felelay, dew adküley ñi kiñechi müten, tami mongen mew kakünuael tami üy.

Kakünuli ñi üy ka apellido tañi pu che, deu kakünulu iñche, ¿feyengün pepi kakünuafuingün rupale txipantu mew?
Nu felelay, ti ley adküley ta kiñechi müten mongen mew kakünuael üy che, kizu tami duam mew kam tami pu txemkeche ñi piel mew.

Iñche kakünuli ñi apellido, welu tañi puche ayinule engün tañi ka femael, ¿chumlepeay kay tañi nürpuael herencia tañi weshakelu mew?
Ti kakünulmi rume tami üy, kakünukelay ñi küpan, tami pu choyün ñamlayay tami pu weshakelu.



1Ti: articulo: "Azümchefe", Gramática Básica de la Lengua Mapuche Pág. 48, - 2006/ Editorial UC –Temuco, Chile - CONADI
2Ñi: , "Azümchefe", Gramática Básica de la Lengua Mapuche pág. 125.



Rulpadunguy / Traductor:
Rosendo Huisca Melinao, miembro, desde 2005, de las Comisiones Lingüísticas que dieron origen a la Academia Nacional de la Lengua Mapuche.

Llowdunguy / Validadora:
Luisa Curín Llancavil, monitora de talleres en idioma mapuche.


Chillkatuy / Locutor:
Luisa Curín



Kiñe dungu / Nota: Tüfa ti dungu, tüfamew mülelu ngüneduamam chumngechi ñi küdawken ta chi ley müleyelu. Tüfa re leyngelay, chumkau nurume ley pingenuael, chi ley feipiley ka chi abogado ñi duamfal lay pinuam.

Escuche esta guía legal Guía en audio:

Escuche esta Guía o descárguela gratis para difundirla por el medio de su preferencia.
Reproductor
Descargar audio

Ficha básica Ficha básica:

Imprima la información esencial sobre este tema.
pdf Descargar ficha
Tüfa ti trokiñ dungu, feipilei ñi chem dungu mew, kiñe che pepi feypiafuy tañi ayülen ñi kakünuael tañi üy, ka chumngechi tañi inayeael tañi dungu.

Reproducir radioteatro Radioteatro en español:

Breve dramatización que explica esta ley en formato mp3. Le invitamos a descargarla gratis y a difundirla por el medio de su preferencia.
Descargar audio
Cuenta brevemente bajo qué circunstancias una persona puede solicitar el cambio formal de su nombre, y los pasos a seguir para ello.

Video Video:

Cápsula informativa producida por Cámara de Diputados TV.

Guías relacionadas Guías relacionadas en español:

Otras guías legales afines a este tema

Video Video:

Cápsula informativa producida por Cámara de Diputados TV.
Cargando

Más información Más información en español:

En otras instituciones.



Nota: La información aquí contenida es un material de referencia para entender el funcionamiento de las leyes. En ningún caso debe ser considerada como la ley en sí, doctrina, argumento legal ni sustituto de un abogado.