Kunjamas suti turkañaxa
Suti ukhamarak ayllu suti ukhamarak paypach sutinak turkañtakix yuriw qillqat laphitpach turkañawa.

Kawkniris sutip mayjachayaskakispati
Janiwa, Aka jasanchat lurawix lurataw suti/ ukhamarak ayllu suti jaqinakan turkasiñpataki, ukatakix akanakaw utjañapaxa;


Kunamas uka lurawinak luririkta
Ukakanak lurañtakix utjañapaw mä arxatiri ukhamarak mayirakispaw markapan inak irnaqiri arxatir utaru, Arxatirinakax Kamachi laphinak apsuspaspax taqi ukanak utaparkama.

Qhawqas walix uka lurawinakaxa
Qhawqas arxatirinakax qullqi mayix uka lurawinak lurañtakixa. Jan qullqin jaqinakax markapan mayipxaspaw aka lurawinak inak irnaqir arxatir utaru.

Qhawqa pachas suyañaxa
Aka lurawix suma chuymap luratakiw ukatpi aka lurawinakax janiw ratuk mistkit suxta paxsikam suyañaw kunalaykutix yatipjiw kamach uñjirinakaki.

Ayllu sutija turkasin ukaxa, wawanakajax uka ayllu suti mayjachatax jupanakatakirakiti.
Ayllu suti turkatax taqi qhipür jutir wawanakatakiwa, ukhamarak tatapax apnaqchi wawanak utjawinakap ukax mayiñapaw uka suti turkasinxa.

Sutinakaja turkasinx khipürun kutirixti nayraqat sutijaru.
Janiwa, Mä sapakiw suti turkasiñax, ukatx janiw mayampi turkañakiti.

Ayllu sutija mayjast’asta, ukat wawajan sutip mayjacht’ayarakirista ukaxa, qhipürun wawanakajax ayllu sutip askichapaspati.
Janiwa, Amtaw luratanx siwa sutinakax mä sapakiw turkasiñaxa, kawknir amtawinakas jupan amtawipas ukhamarak tatapan amtawipasp ukasa.

Ayllu sutija turkasirista ukaxa, wawajax jan lurañ munkasp ukax, nayan utjirinakaja jupan sutipar pasayañax ch’amaspati.
Janiwa, uka suti turkawix janiw mayjaptaykiti, qhipür jutir wawanakatakix taqi jumankirinakax jupanakankaskaniwa.





Jupaw Aymar arur jaqukipixa / Traductor:
Carlos Cañarí Ramírez, vicepresidente de la Academia Nacional de la Lengua Aymara. Académico de la Universidad de Tarapacá.

Jupanakaw Aymar aru qillqatanakax uñakipt’apxixa / Validador:
Hugo Mamani Mamani , presidente de la Academia Nacional de la Lengua Aymara. Profesor de educación intercultural bilingüe.

Jupaw Aymar qillqat ullixa / Locutor:
Carlos Cañari


Amtawi / Nota: Taqi aka laphin qillqatanakax kamachinakat amuyasipxañamataki ukatakiwa. Janiw arxatirin kamachinakap mayjachaykiti.