¿Chem am ti Crédito Universitario?
Kiñe arelün kellun kullin, elungekelu ti pu weche kam üllcha chilkatulelu ti pu Universidad Consejo de Rectores mew, tañi kom kulliam kam rangiñ ñi kullial ti arancel kullingeken kake txipantu kiñe carrera mew. Tüfa ti arelngülum kulliñ Fondo Solidario del Crédito Universitario pingekey.

¿Tunten txokiñ Crédito Universitario mülei?
Mülei tañi ngüneduamngeael tunten mew tañi wülngen ti crédito, müley küla txokiñ kechi:

  1. Crédito Fiscal Universitario: Azniei tüfa ti DFL, meli txokiñ, kiñe waranka ailla pataka pura mari kiñe txipantu mew deuma. Wülngey tüfa ti txipantu mew kiñe waranka ailla pataka pura mari kiñe, ka kiñe waranka ailla pataka pura mari kayu puülu chi txipantu mew, niei interés kiñe % txipantu mew. Ka reajustangekey ti Unidades Tributarias Mensuales mew, ka kullingekey mari trokiñke kake txipantu mew, püulefule doy meli Mari UTM, kam marikechu txokiñke txipantu mew rumele ta meli mari UTM.
  2. Crédito Universitario: Azkülei tüfa ti ley, mari pura waranka kechu pataka ailla mari kiñe, elngelu kiñe waranka ailla pataka pura mari reqle txipantu mew wülngey tüfa ti txipantu mew, ka puülu ti kiñe waranka ailla pataka ailla mari küla txipantu, niei interés kiñe % txipantu mew. Ka femngechi kakünulngealu UTM mew. niey antu ñi püulün kulliam, fei rumelayai tunten txipantu mew ñi llowngen ti crédito.
  1. Crédito Fiscal Reprogramado: Ti txipantu kiñe waranka ailla pataka ailla mari kiñe mew, elngey ti Ley Mari ailla waranka pura Mari küla, tüfa ti pu petu kullinulu ti aremülüm kulliñ Universitario ñi wiño adkünongen tañi kulliam mari tripantu mew, ka tañi rumenuael txipantu mew kechu % tunte ñi llowün ti petu kullinulu, kakünulealu UTM mew, ka interés kiñe % txipantu mew, ka ñi doy pichi kulliael, doy püray tañi tunten kulliael, tañi tunte llowel rume nagkülele.
  2. Fondo Solidario del Crédito Universitario: Fey tüfa tañi felen tüfa ti arelün kellun, Azniengey ti Ley mari ailla waranka, epu pataka pura mari reqle, wiringelu, kiñe waranka ailla pataka ailla mari meli txipantu mew. Trürtungekey UTM mew, ka interés epu % kake txipantu mew. Müley ñi tuwül kullingeael epu txipantu rupalu mew ñi txipamum, tañi rumenuael kechu % tunte ñi llowün tüfa ti petu kullinulu, welu ka feley tañi doy ñieael antu tañi tunte ñi llowün doy nagkülele ta kayu UTM, Ka pepi kakünongeafuy tunte ñi kulliael tüfa ti petu kullinulu, (kurengele kam fütangele) chem dungu mew ñi adkülen.

¿Chumül am mülei ñi kulliael ñi arengülüm kullin?
Epu tripantu rupalu mew tami puwülun ula tami chilkatun dungu. Tuchi chilkatunulelu ñi txipan mew, ka femngechi wirintukunulelu doi epu txipantu inaulu mew, kiñeke pu Universidad ti Consejo de Rectores mew, müley ñi tuwael ñi kullin ñi arengülüm kellu.
Tuchi petu doy amulu ñi chilkatun, ka pepi doy amuael antü ñi kulliam tañi arelün kellun, wechule ñi chilkan welu fey, tüfa yengün ñi rulpanuael doy küla txipantu magisterngeale, ka meli txipantu doctor ngeale.

¿Cheu am kulliafun?
Ti chilkatuwe ruka mew cheu tami arengülüm ngen ti kellu, ka pepi fey piafuimi tami ngen küdaw, tami elmayaeteu planilla mew.<

¿Chumngechi am kulliafun?
Küla txokiñ müley tami kulliam:

  1. Kullin kakeume ñi tuntengen: fey tüfa kechu % tunte ñi llowün we rupalu ti txipantu mew. ti petu kullinulu feley ñi pengelael ñi llowün kiñe declaración jurada mew, ti wirin tañi pengelael petu ñi kiñe lewen mayo küyen mew fillke txipantu ti tañi elungemum mew ti arelün kellun kullin.
  2. Dew, tuwün mew ñi kulliael pingele, deumalay ti tramite tañi pengelam ñi llowün tüfa petu ñi mülen kiñe antü mayo küyen mew, tüfa ti mülechi txipantu mew. Elelngeay kiñe txokiñ kulliael, ta doyalu ti epu txokiñ kulliael txürlu txipantü mew, rupalu epu mari % ta kulliael, puüle küla mari kiñe antü diciembre küyen mew tüfa ti tripantu mew, ti inale ti txipantu mew ka pengelnule tüfa ñi llowün, müley ñi kulliael meli mari % tañi petu ñi kullinun. ti küla txipatuael mew, ka dewmalay ñi trámite ñi kulliael meli mari % ñi tuntelewen. Feley, ti antü tuulu mari epu kam mari kechu txipantu külatu leweai.
  3. Kullin txokiñ: fey tüfa ti petu kullinulu, feypilei kiñe we dungu (wengetuy chi petu kullinun) kom tüfa ti pu arelün kellun kullinlu pepi kullingeafuy txokiñ txipantu mew fey puleay 30 antü diciembre küyen fillke txipantu.

¿Mülepei kangelungechi kulliam?
May mülei, ti ley, epu mari waranka küla pataka küla mari, feipilelu tunten tañi pepinangael ti petu kullinulu küdawmeken municipalidad mew, doy nagkülelu ñi küme felen chi país mew, kam corporación kam fundación mew kellulelu.
Kiñeke txipantu ñi küdawn mew, puüle küla tripantu, ka pepi nüay kiñe arelün kellun kullin tunte ñi kulliael kiñe txipantu mew, ti arelün kellun kullin tañi kulliafel fey ti txipantu mew, kam kom tunte ñi kullin ti arelün kullin rupalu ti txipantu mew, chumngechi rüme. Tüfa ti arelün kellun ka puway mari kayu UTM, nentungekey diciembre küyen mew, fillke txipantu.
Ka feley, küla txipantu rupalu ñi küdawün, pepi nüay ka kiñe arelün kullin, tüfa puwai küla nag, tañi kulliken txipantu mew, ti arelün kullin tañi kulliafel fey ti txipantu mew, kam külachi tunte ñi kullin rupalu ti txipantu mew, tañi felen. Tüfa ti beneficio niey kiñe limite, meli mari pura UTM, nentungekey diciembre küyen mew, fillke txipantu. Mülei ñi pengeael ka wirin mülechi chew ñi doy adkünuel.

¿Kullinuli kay, Chumngean?
Ti Tesorería General de la República adküley tañi nüael kom kam pichi müten tami wiñolel ti impuesto de renta txipantu mew tüfa ti pu che petu kullinulu.
Ti nünakümel puay tunte ñi kullinun. Famngechi leai, llowale kiñe pataka waranka, petu kullinule epu mari waranka, nüñmangeay epu mari, welu llowale kiñe pataka, petu kullinule (epu pataka warangka) nüñmaküngeai kom ti pataka warangka ka müleai ñi kulliael kiñe pataka warangka.
Ti petu kullinülu, mütxümngeai kiñe wirin mew tañi chumlen, kam nienule ruka, kiñe diario mew, wirintukulelngeai chi mütxüm. Fey tüfa mew nieay mari küdau antü tañi dunguñpewam, ti universidad cheu tañi elungemum ti arelün kullin, tunte ñi petu kullinun ñi pingen, kam ngenulu rume tañi kulliael.

¿Chuman kai nienuli küdau?
Kullilayay ti kechu% tüfa ti txipantu mew, llownufule kullin küdau mew. Fey mew mülei ñi pengelael tañi nienun küdaw kiñe wirin mew certificado de ingreso ti Servicio de Impuestos Internos (SII) pingelu mew, fei ñi amulael ti declaración jurada tañi pengelael petu ñi konun küla Mari antü ti mayo küyen fillke txipantu.
Fey ti txipantu mew wül- lu boleta, mülei ñi kulliael ti kechu % tañi llowel mew.

¿Mülepey tañi montulngeael ñi kullunun mew?
Müley meli txokiñ dungu mew ñi kullinuael:
Rupalu üla mari epu txipantu mew, eymi puwülmi kom tami kulliael, kam tami feypinakümnien kiñe wirin mew tami nienun küdau fillke txipantu. Tunte ñi mülewen ti kulliael, doy amunule epu pataka (200 UTM), kullilayaimi. Doy amulele kai epu pataka UTM, (kayu millon kechu pataka warangka) nieaimi mari kechu txipantu tami kulliael, welu deu rupale ti mari kechu txipantu ka pichi mülefule tami kulliael, fey tüfa kullingelayay.
Ka kiñe dungu mew chi kullinuael chi arelün kullin, pepi küdawnulmi ka weda felelmi tami küdawam. Welu tüfa tami küme felenun, mülei tañi feipiael chi Comisión de Medicina Preventiva e Invalidez doy fülkülelu tami ruka mew.
Ti pu fotüm ka puñeñ kom ti pu che konkülelu Fuerzas Armadas ka Orden mew, ka femngechi larumelu política ñi duam mew petu ñi puünun Mari kiñe marzo küyen, kiñe waranka ailla pataka ailla Mari txipantu mew ka kullilayai, ñi pielmeu chi ley mari ailla waranka kiñe pataka epu mari küla.
Lale ti che ñi kulliafel, ka femngechi afkei ti kullinun dungu.





1 Ñi: Posesivo. Azümchefe Gramática Básica de la Lengua Mapuche, pág. 125 - 2006/ Editorial UC –Temuco, Chile - CONADI
2 Ti: artículo: Azümchefe Gramática Básica de la Lengua Mapuche, pág. 48 – 2006/ Editorial UC –Temuco, Chile - CONADI



Rulpadunguy / Traductor:
Rosendo Huisca Melinao, miembro, desde 2005, de las Comisiones Lingüísticas que dieron origen a la Academia Nacional de la Lengua Mapuche.

Llowdunguy / Validadora:
Luisa Curín Llancavil, monitora de talleres en idioma mapuche.


Chillkatuy / Locutor:
Luisa Curín



Kiñe dungu / Nota: Tüfa ti dungu, tüfamew mülelu ngüneduamam chumngechi ñi küdawken ta chi ley müleyelu. Tüfa re leyngelay, chumkau nurume ley pingenuael, chi ley feipiley ka chi abogado ñi duamfal lay pinuam.